logolinur nyr

Umsókn  um  skólavist

Sækja um núna

Fardagar takk fyrir komuna

Til okkar komu nemendur frá Menntaskólanum á Tröllaskaga, Verkmenntaskólanum á Austulandi og Menntaskólanum á Egilsstöðum á Fardögum. Dagarnir voru vel nýttir og nemendur lærðu að matreiða, sauma og vefa. Hér er mynd af hópnum - takk fyrir að koma og njóta með okkur í skóginum.

 Hópurinn II

 

Opinn umræðufundur í kvöld

Handverks- og hússtjórnarskólinn á Hallormsstað stendur fyrir opnum umræðufundi í skólanum í kvöld milli kl. 19:00 - 21:00. Við bjóðum alla velkomna að taka þátt í umræðu um framtíðarmöguleika skólans; námsleiðir og ímynd hans í samfélaginu. Í upphafi fundar verður stutt kynning, síðan skipt í umræðuhópa og samantekt í lokin. Afrakstur fundarins verður nýttur til að móta stefnu skólans. Boðið verður upp á heita súpu og nýbakað brauð. Vonumst til að sjá sem flesta.

Skólanefnd og starfsfólk

Vefnaðarnámskeið í mars

Vefnaðarnámskeið í Handverks- og hússtjórnarskólanum á Hallormsstað fyrir byrjendur. Námskeiðið stendur frá föstudags eftirmiðdegi til sunnudags og eru tvær helgar í boði; 10.-12. mars og/eða 17.-19. mars. Margvísleg vefnaðar verkefni standa til boða t.d. trefill, værðarvoð, púðarborð eða tuskumotta. Uppistöður eru tilbúnar í vefstólunum og kostnaður þeirra mismunandi eftir stærð verkefna, 3.000 - 1.500 kr. Þátttakendur geta komið með eigið garn og efni til að vefa með en einnig er hægt að kaupa efni í skólanum. 

Kostnaður við námskeiðshelgi er 40.000 kr. og er innifalið 16. klst námskeið, léttur hádegisverður laugardag og sunnudag. Hámarksfjöldi er 5 manns. Leiðbeinandi er Sigríður Björnsdóttir vefnaðarkennari við skólann, sigga@hushall.is 

Kannaðu rétt þinn á styrk frá þínu stéttarfélagi!

Skáning á hushall@hushall.is eða í síma 471 1761. 


Fardagar 7. - 9. mars

Dagana 7. - 9. mars verða Fardagar í Handverks- og hússtjórnarskólanum á Hallormsstað. Fardagar er samstarfsverkefni fjölmargra framhaldsskóla á landsbyggðinni með það markmið að brjóta upp hefðbundið skólastarf og bjóða upp á skemmtileg og skapandi námskeið. Nemendur í þeim samstarfsskólum sem bjóða upp á Fardaga býðst að sækja smiðjur annarra skóla og skapast því glæsilegt hlaðborð fyrir nemendur að velja úr! 

Okkar smiðjur...

Lesa nánar

Skólinn og karteflugeymslan 1

Lopapeysa 2014

Vöggusett H rétt

heimavistin

logolinur nyr

 

 

Handverks- og hússtjórnarskólinn

Hallormsstað
701 Egilsstaðir

Starfsemi skólans

  • Kennsla á framhaldsskólastigi
  • Námskeið

Hafðu samband

Sími: 471 1761
Netfang: hushall@hushall.is