Vefnaðarnám á vorönn

Tveggja vikna vefnaðarnám á vorönn 2019. 

Nú stendur til boða einstakt tækifæri að læra vefnað hjá reynslumiklum kennara, Päivi Vaarula textílhönnuði frá Finnlandi. Kennt er í tvær vikur frá mánudeginum 21. janúar til föstudagsins 1. febrúar. Dvöl í tvær vikur í Hússtjórnarskólanum á Hallormsstað með góðri vinnuaðstöðu á Baðstofunni. Námið hentar byrjendum jafnt sem lengra komnum. Lögð er áhersla á náttúruleg efni í verkefnavinnu og kennt á Weavepoint tölvuforrit.  

Vefnaður trefill skógarlitir

Lesa nánar

Jólasýning haustannar 2018

Jólasýning nemenda haustannar 2018 verður sunnudaginn 16. desember milli kl. 13:00 - 15:00 í Hússtjórnarskólanum á Hallormsstað. Nemendur sýna afrakstur annarinnar í vefnaði, fatasaum, útsaum, prjón & hekli. Nemendur bjóða einnig upp á jólasmákökur og jóladrykk. 

Allir velkomnir. Hlökkum til að sjá ykkur í skóginum. 

Nemendur og starfsfólk.

Skólinn í snjó

Vöggusett útsaums- og saumanámskeið

Á námskeiðinum sauma þátttakendur ungbarna vöggusett með milliverki; harðangri eða með frjálsum útsaum (Skals broderí). 

Kennari er Myrra Mjöll kjólaklæðskeri að mennt ásamt menntun frá Skals. 

Námskeiðið er haldið tvo miðvikudaga 14. nóvember og 21. nóvember milli kl. 18:00 - 21:00 þar sem lögð er áhersla á útsaum. Siðan er einn laugardagur 24. nóv þar sem komið er saman kl. 10:00 og vöggusettið saumað saman. 

Námskeiðið er um 9 klst. og kostnaður er 10.000 kr. Allt efni innfalið. 

Vöggusett er falleg og tímalaus gjöf.

Nánari upplýsingar eru í síma 471 1761 eða skrifið til hushall@hushall.is 

Skráning hér https://goo.gl/forms/hldux3prt4Q1iRWU2

Útsaumsnámskeið með Katý

Í tilefni af 88 ára afmæli Hússtjórnarskólans á Hallormsstað ætlar fyrrum nemandi og kennari skólans, Katrín Jóhannesdóttir eða Katý, að heimasækja okkur í skóginn með útsaumsnámskeið. Fyrsta skólasetning var 1. nóvember 1930 og því upplagt að halda upp á afmælið með útsaumshelgi 2. - 4. nóvember. 

Námskeiðið hentar öllum, byrjendum eða lengra komnum. Um er að ræða heila helgi með möguleika að velja staka daga.

Nánari upplýsingar og skráning hér.  

Útsaumur K í nærmynd

HH logo WEB